Pisuut piitsullu akunnerat annerulersimavoq

Pisuut piitsullu akunnerat Kalaallit Nunaanni annerulersimavoq, taama oqarpoq sapaatip akunnerani saqqummersartumi Weekendavisenimi tusagassiortoq Marianne Krogh Andersen, TV2-lorrymi ullumi apersorneqarnermini. Aallakaatitami toqqaannartumik ingerlanneqartumi oqaluttuarineqarpoq Kalaallit Nunaanni inuunermi silarsuit assigiinngitsut atugarineqartut. –Kalaallit Nunaata nunasiaanera qangali atuukkunnaaraluartoq, danskit kalaallit nunaanni nuimanerupput, atorfinni assigiinngitsuni ittuusut affaasa missaat danskiupput, Marianne Krogh Andersen oqarpoq. – Illut angisuut, biilit umiatsiallu pisuut pigaat, piniartukkormiulli avinngarussimasumi najugallit tamakkuninnga sunnguamilluunniit peqanngillat, Marianne Krogh Andersen, oqaluttuarpoq.

- Kalaallit nalagaaffeqatigiiffiup iluani inussiarnisaarnerpaapput, taakkuuppulli aamma inuunerminni aqqusaagartuut. Meeqqat meeraalluarlutik inuunermik saniatigut imertut, imminortut, annersartittullu akornanni inuusariaqartut, Marianne Krogh Andersen oqarpoq.

Taanna ’70-ikkut naalerneraniilli nunatsinnut uteqqiaasuusimavoq, Kalaallit Nunaallu pillugu Weekendaviisimi sapaatip akunneri kingulliit pingasut allaaserinnittarsimalluni.