Pisuussutinit uumaatsunit isertitaajumaartussat agguataarneqartarnissaat misileqqinneqassaaq
Namminersorneq pillugu isumalioqatigiissitami kalaallit danskillu suleqatigiissitaliaat assortuukkunnarlutik Kalaallit Nunaanni pisuussutinit uumaatsunit siunissami isertitaajumaartartussat Danmarkip Kalallit Nunaatalu akornanni qanoq agguataarneqartarsinnaassanersut qaammatip tulliani misileqqissavaat.
septembarip 17-at 2007 17:12
Isumaqatigiinniaqqinnissaq Folketingip ataatsimiinnissaanut atatillugu oktobarip ulluisa aappaanni ammaanersiornissami pissaaq, tassanilu aningaasanut inuussutissarsiutinullu ineriartortitsinissamut tunngatillugu suleqatigiissitap pisuussutit uumaatsut qanoq aggutaarneqartarnissaannut tunngatillugu isumaqatigiinniutigeqqissavaat, Atuagagdliutini aqagu ullaakkut saqqummertussami taama allaaserinnittoqarpoq.
Ataatsimiinnissaq isumaqatigiinniarnertut isigineqassaaq, kiisalu kalaallit danskillu ilisimasalittai nutaamik saqqummiusseqqissapput siunissami aatsitassanut tunngatillugu isertitat qanoq agguataarneqartassanersut.
