Pissutsit ajoraluaqisut suliassat naammassiniartarpavut

Dronning Ingridip napparsimmavissuani tarnimikkut nappaatilinnut immikkoortortaqarfimmi siornatigorniit sulisut uninngasunit ukiaq manna saassunneqakkajunnerusimasut, immikkoortortaqarfimmi nakorsaanerup Helle Charlotte Knudsenip nassuerutigaa.
decembarip 20-at 2007 17:31

-Tarnimikkut assut napparsimasut uninngasuutigisimavagut, sulisussaaleqigattalu sulisut marloriaammik sulisariaqartarput. Pissutsillu ajoraluaqisut suliassat naammassiniartarpuvut. Sulisut napparsimasunit saassunneqartarnerat pinngitsoortinniarlugu tarnip nakorsaanit ikiorneqarnissaminnik sulisut neqeroorfigineqarput, Helle Charlotte Knudsen oqarpoq.

A1-imi pissutsit ajorluinnartut Kalaallit Nunaanni niviarsiat kattuffianni siulittaasup, Birtha Biancop ippassaq oqaatigaa, siorna sulisunik saassussinerit arfineq marluk missaaneeriarlutik ukioq manna saassussinerit 20-t nalunaarutigineqarput. Sulisoq ataaseq saassunneqarnermi kingorna allaat napparsimmavimmut unittariaqarsimavoq.

A1 ukioq ataaseq sinnerlugu ningioqarsimanngilaq septembarilli aallaqqaataani niviarsiaanertut atorfik inuttalerneqarluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq