Pissartanngortut F-16-inik ingiallorteqassapput
Angutit Europami pissartanngoqqammersut kuultinassimaarlutik, Oslomiit ullumi nalunaaqutaq pingasunut tanneq tallimat aallarpata timmisartut sorsuutit F-16-it marluk ingiallortaaniartut aviisip Politikenip allaaseraa.
Assammik arsartartut kattuffianni allaffiup pisortaa Morten Stig Christensen ajugaanerup kinguninngua ajugaasimaaqaluni unnersiorpoq, taamani 1992-imi isikkamik arsarnermik nuannarisallit amerlanerit eqqaamalluaraat danskit isikkamik arsarlutik Europami pissartanngorlutik Sverigimiit angerlarmata timmisartunik sorsuutinik ingiallorneqarnerat assut nuannaarutaasutut eqqaamaneqartoq.
- Taamatut iliorluni pingaartitsineq nuannaraarput. Tassami angutit assammik arsartartuvut tulluussimaarutigalugillu persuarsiutigigivut misigitikkusukkatsigu, taama oqarpoq timmisartuni sorsuutini pisortaasoq Morten Jensen.
