Pissartanngorniunnissat ullulerneqarput
Pisortatigoortuunngitsumik pissartanngorniunnissat siorna pisussaangaluarput, kisianni klubbit peqataasussat angalanermut akissaqannginnerat peqqutaalluni taamaatiinnartariaqarsimallutik. Tamatumunngalu peqqutaavoq kommunit klubbit angalanissaannut tapiissuteqarnissaminnik akissaqarsimannginnerat.
Taamaatsitsiinnartariaqarnerup kingorna pissartanngorniunnerit ullulerneqaqqinnissaat ulapputigineqarsimavoq, aalajangerneqarporlu pissartanngorniunnerit pissasut Ilulissani juulip 31-aniit aggustip sisamaata tungaanut.
- Pisortatigoortuunngitsumik pisartanngorniuttoqarnissaa sioqqullugu peqataasussat ilaat nunat tamalaat Alaskami unammiuaarneranni peqataassapput, unammineq taanna 'Weio'-mik taaguuteqartoq juulip 20-niit 23-anut pissaaq, Arctic Sportimit oqaaseqartartoq Helga Nielsen GIF.gl-imut oqarpoq.