Pissartanngorniunnerni ajuuttut imaaginnavipput
Isikkamik arsaalluni angutit Kalaallit Nunaanni pissartanngorniunnerat Qaqortumi ippassaq aallartippoq, K-33 Qaqortoq B-67 Nuuk unammigamik. Arsaattut naligiillutik tamarmik marlunnik isertitaqarput.
Allattoq Mads Lynge
aggustip 22-at 2008 05:28
Kalaallit Nunaanni pissartat N-48 Ilulissat SAK Sisimiut unammivaat, N-48 tassani ajugaallualaavipput, 5 – 3-mik ajugaagamik.
Eqaluk 54 Tasiusaq aamma Eqaluk 56 Ikerasak unammimmata Ikerasammiut Eqaluk 56 5 – 2-mik ajugaapput.
Kugsak-45 Qasigiannguit aamma FC Malamuk Uummannaq kingulliullutik unammipput. Taakku naligiiginnarput 0-0.
Pissartanngorniunnerit nangillugit ullumi unammisoqassaaq, KNR-TV-kkut radiokkullu toqqaannartumik malinnaavigineqarsinnaallutik.
Unammineq siulleq nalunaaqutaq ataatsimut aallaartissaaq, Kugsak-45 aamma SAK unammissagamik.
Taakku unammereerpata nalunaaqutaq pingasunut aallartittussamik K-33 aamma Eqaluk 54 unammissapput.
