Pissangangaarami naarlullunilu peqqiillioqattaarpoq
Kalaallit Danmarkimi ilinniagaqaqqinnissaminnut qinnuteqarsimasut 492-it, ilinniaqqinnissaminnut tigusaasimanerminnik tusagaqaqattaaleruttorput.
juulip 30-at 2010 15:18
Ilinniaqqinnissaminut tigusaasimasut ilagaat, 20-inik ukiulik Qaqortormiu Bent Kielsen. Bent Kielsen ukioq manna GU-mi ilinniarnertuunngorpoq, kalaallillu allat 86-it assigalugit Odensimut qinnuteqarsimavoq.
Bent Kielsen aperaara sumut qinnuteqarsimanersoq.
- Erhversøkonomiimut ingerlaqqinnginninni, piareersaqqaasaanga karakteerikka tuluttut spanskisullu qaffarsarlugit. Danmarkimukarnissannut pissangaqaanga, naarlullungalu peqqiillioqattaarpunga pissanganermik.
Tuppalleqaangali ilinniaqqinnissannut, tigusaagama. Bent Kielsen, Odensemut ilinniariartussaq oqarpoq.
Odensemut ilinniariartussat qassit, tigusaasimanersut suli nalunartoq Marianne B. Jensenimit, Odensemi kalaallit Illuanni ilinniartunut siunnersortimit oqaatigineqarpoq.
