Pisortat sanaartugaanni kusassaasoqartalissava?
Asii Chemnitz Naarup-ip siunnersuutaa taanna inatsisartuni ataatsimiititaliamit eqqartorneqassaaq. Siunnersuutaavorlu, sanaartornermi aningaasartuutaasut 1 procentiat, pisortat illuliaanni kusassaanernut atorneqartalissasoq.
Sanaartornernut ukioq 2006-imi aningaasartuutit 350 millioni koruuniusimapput, siunnersuullu akuerineqassappat, sanaartukkani kusassaanernut 3,5 millioni koruunit atorneqartalissapput.
Naalakkersuisut isumaqarput, siunnersuut eqqartorneqarluarsinnaasoq, inatsisartulli mianersussasut ilanngullugu oqaatigineqarpoq.
Enoksen-ip ilaasalu erseqqissarpaat, sanaartornerni kusassaanissamut immikkut aningaasaliisoqarsinnaasartoq. Soorlu ilaatigut, aningaasaateqarfinnut qinnuteqartoqarsinnaasarluni.
Naalakkersuisut aamma erseqqissarpaat, sanaartukkat 5 millioninik sinneqartunik nalillit kusassarneqarsinnaaneranut aatsaat qinnuteqartoqarsinnaasartoq.