Pisortartaap kujataani takornariaqarneq nittarsaatissagaa
41-nik ukiulik, Ida Vahl nunatta kujataanut ilisimasaqarluartuusoq atorfinitsinneqartoq, Destination South Greenlandimi pisortap tullia, Pitsi Høegh takornarialerisut facebookimi qupperneranni allappoq.
Suliassarpassuillu aallartinneqassapput.
UNESCO-p nunanut eriagisassanut nalunaarsorfianut ilanngunneqaqqammersup avammut nittarsaanneqarnera ilaatigut siaruarterneqassaaq kiisalu takornariat savaatilinnut takornariartarnissaannut neqerooruteqartarnermut atatillugu nunaatillit/savaatillit takornariartitsinermik suliaqartut piorsaavigineqarnerat ingerlaqqissaaq.
Ida Vahlip nunatta kujataani takornarianut neqeroorutit inuit nittartakkatigut attaveqaqatigiittarfiini allallu paasissutissiiviit atorlugit ersarinnerulersissavai, taamaasilluni kujataanut takornariartitsineq pilerinarnerulissalluni, Pitsi Høegh allappoq.