Pisortaq soraartussanngorpoq
Inuussutissarsiornermut Suliffeqarnermullu Naalakkersuisoqarfimmi pisortaq, Bent A. Sørensen decembarip aallaqqaataanit 2009-mit nammineq kissaateqarnini naapertorlugu soraartussanngorpoq.
Allattoq Bikki P. Kleist
- Piffissami kingullermi siunissara assut eqqarsaatersuutigisimavara. Nalilersueqqissaareerlunga aalajangerpunga allanik suliaqarusunnerullunga, taamaattumillu Naalakkersuisut Siulittaasuata Naalakkersuisoqarfiani suliniutinik ingerlatsinermi allattoqarfimmut nuuttussanngorlunga, Bent A. Sørensen oqarpoq.
Inuussutissarsiornermut Suliffeqarnermullu Naalakkersuisoqarfimmi pisortaagallartussatut, Christel Lund Jæger-Hansen ivertitinneqarpoq.