Tassaappullu nunaqarfik Ilimanaq aammalu Qaqortumi atuarfimmi pisortaasimasoq Arne Kyed.
Pisortaqarfiup allaffimmiua Søren Starch Nielsen ullaaq manna oqaloqatigaarput.
- Arne Kyed-ip nammineq inuttut iliuuseqarsimanera nersorniarneqarpoq una pillugu; Kalaallit Nunaanni silap allanngornera assorsuaq ersaripput, taamatullu inuit ataasiakkaat iliuuseqarsinnaanerat uuliamik atuinitta millisinniarneranut takussutissaammat, taamaammat nersornaaserneqarpoq.
Taamatuttaaq Ilimanaq tamakkiisumik iliuuseqarsimavoq, tassa innuttaasut utoqqaat meeqqallu tamarmik eqqiluinnissaq pillugu iliuuseqarsimapput taannalu nersorniarlugu nersornaaserneqarput, Søren Stach Nielsen oqarpoq.
Aperaarput seqernup kissaa atorlugu kiassaasiilluni suliniuteqarneq nunaqarfimmilu arsakoorfilersuisimaneq, tassa taakkuunersut avatangiisinut suliniutigineqarsimasutut pingaarnerpaasutut isigineqartuusut.
- Imatut oqaatigineqarsinnaavoq inuit ataasiakkaat namminneq piumassusertik malillugu iliuuseqarnerat pingaartinneqartoq, akivoq.