Pisortaq Mælkebøttenimut tunisivoq
Tele Greenland A/S-mi pisortap inuuimmini aningaasat tunissutisiani 15.000 koruuniusut meeqqat illuannut Mælkebøtten-mut ingerlateqqippai.
Allattoq Nauja Møller
Tele Greenlandimi pisortaaneq Brian Buus Pedersen februaarip aallaqqaataani 50-liilluni inuuissiorpoq, taassumunngalu atatillugu aningaasanik tunissuteqarfigineqarnissani kissaatigisimavaa, aningaasalli Mælkebøtten-miunut ingerlateqqittussanngorlugit aalajangiussimavai.
Aningaasat Brian Buus Pedersenimeersut sannatinut atorneqartussatut ingerlateqqinneqarput. Meeqqanik sammisassaqartitsiviup sanaluttarfik cykelileriffik siunissami ammassasoq pilersaarutigigamiuk.