Pisortaagallartoq pisortanngortippaat

Pingaarnertut suliassat suunersut aperigatsinni maannamut ingerlanneqarsimasut nanginneqarniartut malunnarpoq:

- Siornatigut pisortaanerusimasup suliassamissut aallartissimasai ingerlateqqissamaarpakka, pingaarnertullu taasaqassaguma immikkoortortaqarfiit akornanni suleqatigiinnerulernissaq orniginartinneruara. Nukiit kattunneqarnerisigut angusaqarluarnissarput takorloorpara, suliffeqarfiillu anginerit soorlu Air Greenlandisut ittut suleqatigalugit angusaqarluarsinnaassaagut, suliassalli ataasiakkaat eqqaassanngikkaanni suliffeqarfimmik ingerlatsineq taamaaginnassaaq, Thomas Rosenkrands oqarpoq.

Siulersuisut suleqatigilluinnarlugit naammassisassat naammassiniarneqassasut aamma oqaatigaa.

Inuussutissarsiortunut siunnersuisarnermut tunngatillugu suliat januaarip aallaqqaataani 2005-imi aallartinneqartut naapertorlugit sulisoqassaaq, pilersaarutit tassani taakkartorneqartut malillugit sulisoqassagami.

Inuussutissarsiortut siunnersorneqarnerat sinerissami immikkoortortaqarfinnit ingerlanneqartoq ingerlaannassaaq:

- Pisortaanertulli sulinissannut tunngatillugu maani suleqatissakka sinerissamiittullu tusarniaavigeqqaarusuppakka, suliassama suuneri iluamik iserfigeqqaarusukkakkit, Nunatsinni Takornariaqarnermut Inuussutissarsiornermilu Siunnersuisoqatigiinni pisortaaninngortoq Thomas Rosenkrands oqarpoq.

Nunatsinni angallannermi pissutsit pillugit oqallinnermut siunnersuisoqatigiit akuliukkumasinnaasut Thomas Rosenkrands oqarpoq, suleqatigineqartulli peqatigalugit tamanna pissasoq erseqqissaatigalugu.