Dorph: Pisoq ilungersunartupilussuuvoq

Unnuaq pisut borgmesterip Ilungersunartutut taavai. Pisullu tamakkiisumik suli oqaatigineqarsinnaanngikkallarput.
Assi © : KNR
Allattoq Thomas Munk Veirum
juunip 18-at 2017 09:16
Nutserisoq Simon Uldum -

Qaasuitsup Kommuniani borgmesterip, Ole Dorphip, KNR-imut oqaatigaa ajunaarnersuaq ilungersunarluinnartuullunilu alianaqasisoq, innuttaasullu tamarmik misigisaqaatigigaat.

Ajunaartoqarsimanera ajoqusertoqarsimaneralu tusarfiit tutsuiginiartut arlallit ilisimatitsissutigaat, upalungaarsimaniarnermulli oqartussat tamanna uppernarsarumanngikkallarpaat.

AAMMA ATUARUK Nuugaatsiarmiut 39-t qimagutitinneqartut

Nunap sajunnera richterskalamik uuttorlugu 4,1-iusoq oqartussanit oqaatigineqarpoq, tamannalu unnuaq tassaarsuaqarneranut qarsutsisoqarneranullu pissutaatinneqarpoq.

- Najukkami innuttaasut upalungaarsimaniarnermut oqartussat ikiorlugit ajoqusersimasinnaasunik unnuaq naallugu ujaaseqataapput, Ole Dorph taama oqarpoq.

Ole Dorphip aamma oqaatigaa upalungaarsimaniarnermut oqartussat kommunimit ullumi sapaammi nal. 10 ataatsimeeqatigineqassasut, tassanilu pisut kingulliit ilisimatitsissutigineqassasut.

AAMMA ATUARUK Nunap sajunnera tassaarsuaqartitsisoq

 

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk