Pisisa.gl Danish Internet Awards 2013-imi peqataavoq

- Uagut pisisartutta tuusintit arlaqartut toqqaareernerat, taamaalilluni uppernarsarneqarpoq. Tassami uagut nioqqutissaativut amerlasuut pissutigalugit toqqarpaatigut, taamalu Kalaallit Nunaanni internetikkut pisiniartarfinni annertusiartornersanngortilluta, internetikkut pisiniartarfiup pisortaa Marcus Probst oqarpoq.  

Pingasunngorpat apriilip 17-ianni ajugaasoq saqqummiunneqassaaq.

- Angorusutaq tassaasimavoq Kalaallit Nunaanni kikkut tamaasa ajornanngitsumik aamma akimmisaarfiunngitsumik internetikkut pisiassanik tuusintilikkaanik pisiniarsinnaatilernissaat, KNI tusagassiuutinut nalunaarummini taama allappoq.

Internetimi quppernermi pisisa.gl-imi sulisut aamma internetimi qupperniliortartut CPH Cloud Company suleqatigiillutik, internetikkut pisiniarfik pilersitaraat.

Akissarsitinneqartussatut innersuunneqartut allat tassaallutik atuagaarniarfik Arnold Busck, timmisartuutileqatigiit Thomas Cook, atisaarniarfik ONLY aamma pequtaarniarfik Fritz Hansen.