Korti pisiniarfinni pisiniutigineqarsinnaasoq nutaaq Danmarkimi atorneqalertussanngorpoq, korti-lu taanna taaguuteqarpoq, ”Coop Danmark”.
Oqaatigineqarpoq korti taanna kort-imut Danmarkimi atugaalluartumut Dankort-imut unammillertussanngussasoq.
Coop Danmark Danmarkimi pisiniarfinnit annernit Kvickly-mit, SuperBrugsenimit, Faktamit Irmamillu pilersinneqarpoq.
Kalaallit Nunaanni Brugseni aperaarput, Coop Danmark nunatsinni atugaalissanersoq.
Brugsenimiilli ilisimatitsissutigineqarpoq, nunatsinni ima siuarsimatiginatik tamanna eqqarsaatigineqalereerluni, Coop Danmarkili nunatsinni atugaalissagaluarpat, qarasaasiatigut atortut ataqatigiissaqqaarneqartariaqassasut.
Sverige-mi Coop Danmarkimik piginneqataasut oqarput, Coop atorluarneqalereersoq, allaat Dankortitut MasterCard-itullu atugaatigilereerluni.