Pisiffiup pisiniarfissualiornissani unitsiinnarpaa
Pisiffiup pisiniarfissualiornissani 200 milliuuni koruuninik akeqartussaagaluaq unitsiinnarpaa. Pisiffiup piginnittua, Dagrofa, Nuuk Centerimik taallugu pilersaarutini, pingasunik pisiniarfittaqartussaagaluaq unitsiinnarniarlugu nalunaarpoq.
Allattoq Louise M. Kleemann
Pisiniarfissuassaagaluup, nerisassaarniarfimmik ataatsimik nerisassaanngitsunillu pisiniarfinnik marlunnik imaqartusaagaluup, imminut akilersinnaanissaa ilimagiunnaaramikku taamaatiinnaraat, Pisiffiup qullersaqarfianit nalunaarput.
Nuummi allakkerisarfiusimasup illutaa Pisiffiup pigigamiuk illup pisiniarfittuinnaq atornagu iseruminartumik assigiinngitsutigut atornissaanut maanna Nuup Kommunea allallu soqutiginnissinnaasut suleqatiserai.