Pisiffiup nillujuitsut uterteqquai
Nillujuitsoq sisammit sanaaq, liiterip aappaa avillugu imartutigisoq, ulluinnarni atortussanik niuertarfiup, Pisiffiup, maanna utertinnialerpaa.
Allattoq Carla Davidsen
Paasineqarsimavormi nillujuitsoq qaarsinnaasoq, imerlu kissartorujussuaq taamaalilluni anialerluni.
Taamaattumik pisiniat nillujuitsorsisimasut, pisiaminnik uterteqqullugit Pisiffimmit kajumissaarneqarput - utertitsisullu akiliutigisimasatik tigoqqissagaat neriorsuutigineqarluni.
Nillujuitsut taakku Pisiffiup niuertarfiutaanni "Pisattat"-ni, "Jysk"-imi, SB-butikkinilu juunip arfernganniit ippassamut nioqqutaapput.
Nillujuitsut nittartakkatsinni knr.gl-imi takusinnaavasi - nillujuitsullu taakku Ilulissani, Aasianni, Sisimiuni, Maniitsumi, Nuummi Qaqortumilu nioqqutigineqarsimapput.