Pisiffik misissuisitsiniarpoq
Nunatsinni suliffeqarfiit annersaata ilaata Pisiffiup, 670-inik sulisullip, sulisumi atugarisai misissuiffiginialerpai.
Allattoq Elisa Isaksen
marsip 04-at 2008 13:16
Anguniakkat annertoqaat, pisortaanerummi Carsten Lynghøjip anguniagaa naapertussagaanni Pisiffik ukiut pingasut ingerlanerini suliffeqarfinni nuannarineqarnerpaanngortinniarneqarpoq.
- Sulisut kajumissuseqarluarlutillu, piumassuseqarluarpata, nuannaartuuppatallu tamanna anguneqarsinnaassaaq. Sulisullu atugarisaat pitsanngorsaavigineqarpata sulisut taarseraappallaannginnissaat anguneqarsinnaasoraara, Carsten Lyngehøj allappoq.
Pisiffimmi sulisut qaammatip massuma ingerlanerani misissuinermut peqataanissaat innersuussutigineqassaaq.
Misissuinermi akissutit tunngavigalugit pitsanngorsaasoqarniarpoq, suliassamullu pilersaarutit aaqqissuunneqarsinnaanngussallutik.
