Pisiffik Dagrofamit qujagisaavoq

Inuussutissanik nioqqutissiorfissuup Dagrofap, Nunatsinni Pisiffimmik piginnittuunini nuannaarutigaa. Dagrofap ukiumoortumik naatsorsuusiaani Pisiffimmi kaaviiaartitat iluanaarutillu allanut sanilliullugit siuariarmata.
marsip 22-at 2011 06:37

Suliffeqarfissuup aningaasarsiornikkut siuariarnissani neriuutigisimagaluarpaa taamatullu pisoqanngitsoorpoq.Taamaammat Pisiffimmik piginnittuunertik Dagrofamiit nuannaarutigaat.

Danmarkimi aningaasarsiornikkut ajornartorsiorneq ilaatigut Dagrofami malugisimavaat, pisisartummi pisiniarnissaminnut kajumippallaarsimanngillat, pisiniarfinnilu akikinnerusunik nioqqutilinni pisiniarnissartik atuisut amerlanerit pileriginerulersimavaat. Aviisimi ullormut saqqummersartumi, Børsenimi, tamanna allaaserineqarpoq.

Pisiffiup 41 millionit koruuninik 2010-mi sinneqartoorutini sapaatip-akunnerani kingullermi saqqummiuppai, pisiniarfiup oqaluttuarisaanerani amerlanerpaat. Kaaviiaartitat aatsaat taama aamma amerlatigaat, 889 millionit koruuniullutik.

Taama kusanartigisumik Kalaallit Nunaanniit angusaqartoqarnera immikkut pitsaaquteqarpoq, suliffeqarfissuarmi namminersortutut, inuinnarnillu pigineqartutut, Dagrofamut atanermini ukioq-manna ukiunik qulinngortorsiorluni nalliuttorsiussaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq