Pisiffik akisunaarlugit atortitsineq ajorpoq
Tamannalu eqqunngilaq Pisiffip Pisortaa Carsten Lynghøj oqarpoq.
Pisiffik aqqutigalugu aningaasanik atorniarnermi erniaritinneqartoq aalajangersimasoq 20,15 procentiuvoq, Carsten Lyngshøj Pisiffiup pisortaa oqarpoq. Atuisut siunnersortaasa atorniarnermi periarfissat pigisagut atuarluarsimanngilaat, erniarititagummi Danmarkimi erniaritinneqartut assigilluinnarpaat, Pisiffiup pisortaa oqarpoq.
Atorniarnermi periarfissat pillugit allattorsimaffimmi takuneqarsinnaavoq, atorniarnermi aningaasartuutinut erniaritinneqartut 111,1 procentiusut, aningaasartuutit tassani suut pineqarnersut Karsten Lyngehøjimut apeqqutigaarput, taannalu oqarpoq:
Atorniarnermi qinnutigineqartut 5.000,00 koruuniuppata 1.250 koruunillu kisiisa atorneqarpata, taakkulu kisimik atorfissaqartinneqarpata, taava
tamanna isumatusaarneruvallaanngilaq, aningaasanik ikittuinnarnik atorniaraanni erniaat annertussapput, amerlasuunilli atorniaraanni erniaat ikinnerussapput tamannalu isumatusaarnerussaaq.
Aningaasanik atorniarluni pilersitsinermi atorniakkap 8 procentiinik erniaqatitsinersi atuisartunit ingasagineqarpoq, Danmarkimi atorniarnermi tamanna 2 procentiinnaasoq Karsten Lynghøjimut apeqqutigigatsigu taanna oqarpoq,
niivertarfinni pisinermi atorniarnerluni pilersitsinermi 8 procent atorneqartoq danmarkimi aamma atorneqarpoq, tamassuma takuteqqinnaarpaa misissueqqissaartoqarsimanngineranik. 2 procentit 8 procentillu assigiinngissutaannut pissutaavoq, Danmarkimiikkaanni atorniarfigisamut toqqaannarluni saaffiginnittoqarsinnaammat, Kalaallit Nunaannili atorniaraanni atorniartoq oqaloqatigeriarlugu Danmarkimut utimullu saaffiginnissutit paasissutissallu akissaajaataasarput, atorniarnerlu naammassiniarlugu uagut akunnermiliuttutut suliassaraarput, Carsten Lyngshøj Pisiffiup pisortaa oqarpoq.
Neqeroorutigisarput kikkunnilluunniit atorneqarneqarsinnaavoq, akiliisinnaassuteqartunit.
Akiligassanik akilersuinermi akiliisinnaanngitsutut allattorsimaffimmi allassimagaanni atorniartoqarsinnaanngilaq. Akiliisinnaassuteqaraanni assitalimmillu ilisarnaateqaraanni uagutsinnit akiligassarsineq ajornanngilaq.
Atuisut siunnersortaannit aamma oqaatigineqarpoq, aningaaserivimmi atorniaraanni akikinnerusoq ilissinnut atorniarnermit ?
Periarfissat marluk taputartuunneqarnerat uani pineqarpoq. Aningaaserivinni soorlu Grønlandsbankimi atorniariaaseq Quick Lån atorlugu atorniaraanni, atorniartoq atukkaminik taarsersuisinnaanera qulakkeerneqarneq ajorpoq piffissarlu sivikitsuinnaq atorlugu atukkiisoqartarluni, taamaannalu Grønlandsbankip nittartagaani takuneqarsinnaavoq. Anigaaseriviit aningaasanik atortitsineranni akikinnerusoq tassaavoq, illusinissamut biilisinissamut angallatisinissamulluunniit atorniaraanni, aningaaserivimmi atorniarneq akikinneruvoq atorniariaatsimulli Quick Lånimut tamanna atunngilaq..
Pisiffik aqqutigalugu atorniarnermi erniaritinneqartoq 20,15 procentiuvoq oqaatigineqartunit 111,1 procentiunani Pisiffiup pisortaa Carsten Lyngshøj oqarpoq.
Atuisartut siunnersuisoqatigiivinit siunnersortit ajuusaarput, paatsoorneqarsimasinnaasunik oqaaseqarsimagunik atorniartarfiullu View Cardip namminneq paasissutissaatai paasiuminaatsinneqarsinnaammata.
