Pisiassat akiisa qaffanneri atuisunit malugineqarput

Ukiup ataatsip ingerlanerani pisiassat akii 5,4 procentinik qaffattut Kalaallit Nunaanni Naatsorsueqqissaartarfik sapaatip akunnerata siuliani nalunaaruteqarpoq. Nuummi atuisut akit qaffannerinik eqqumaffiginnittut paasiniaanitsinni malunnarpoq.

- Malugisinnaasarpara pisiniarninni akit qaffakulaarneri, tamannalu ingasagilaarpara, Martha Larsen brugsenimi isersimasoq oqarpoq.

Taassuma kalaalimerngit malugivai akisuallaartut.

- taamaattumik kalaaliminermik pisivallaarneq ajorpunga, Martha Larsen oqarpoq

Atuisartoq alla Joel Ezekiassen utoqqalinersiuteqartoq aamma akit eqqumaffigilluarpai.

-Malunnarpoq akit qaffakkiartortut, ilaannikkut qaffariataartarput paasisassaanngingajattumik, Joel Ezekiassen oqarpoq, taanna Pisiffimmi akikillisanik quppersagaq tigummivaa.

- Tassa soraarnerussutissiaqaratta akikinnersiuisarpugut, akikillisanik ujaarlertarpugut. Assersuutigalugu aatsaat Bugsenimi 2 kilo sukkut pisiaraakka, tamakkulu ulluinnarni atortakkagut soorlu sukkut akikilliuitsuupput, Joel Ezekiassen oqarpoq.

Meeralik Ole Karl Jerimiassen Brugsenimi niuerniartoq aamma malugusuppoq.

-Meeraqarluni akit erloqinartarput, kalaalimerngillu akisullutik, sapaatip akunneranut akikillisat eqqumaffigisarpagut qaammat naallugu pisisinnaassagutta, Ole Karl Jeremiassen oqarpoq.

Nunarsuarmi karrit akiisa qaffakkiartornerat pissutaalluni inuussutissat akii qaffapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat