Pisiassat akii qaffakkaluttuinnarput qaffakkiartuinnarlutillu
Akit qaffariangaartsiarsimapput, ulluinnarnimi pisariaqartitatta ilaat pinngitsoortariaqassavagut.
Siorna ukioq 2007-imi januaarip aallaqqaataannit ukiormanna januaarip aallaqqaataa tungaanut pisiassat akii 5,4 procentinik akitsoriarput. Siorna ukiakkut inatsisartut aaliangerput imigassat kimittuut cigaritsit sukkullu akitsusissasut, taakkua 1,8 procentinik akitsorput.
Akitsuutit qaffanneqarnerisigut pisiassat akiinut sunniuteqarput, tassalu pisiassat akii ukiumut 3,6 procentinik qaffallutik.
Inuussutissat akii procentinik tallimanik qaffapput. Ukiuni kingullerni inuussutissat akiisa qaffaanerinut sanilliullugit inuussutissat akii qaffangaatsiarput.
Nunarsuarmi karrit akiisa qaffannerat pissutaalluni, inuussutissat akii qaffapput.
Inissiat attartornerinut akiliutigineqartartut aamma qaffangaatsiarput, inissiat attartornerinut akiliutigineqartartoq procentinik tallimanik qaffappoq.
Uuliap benzinallu liiterimut akiisa 50 øre-mik qaffannerisa kingorna pisiassat akiissa naatsorsorneqarnerannut ilanngunneqanngillat.
Nioqqutissiat annikitsukkuutaat ulluinnarsiutit tuniniarneqartarnerat 2008-ip qaammataani siullerni procentinik sisamanik appariarput, ukiup siulianut naleqqiullugit, Kalaallit Nunaani naatsorsueqqissaartarfik allappoq.
Nioqqutissat annitsukkuutaartut ulluinnarsiutit tuniniarneqartarnerat annikilliartuinnarput, kvartalillu kingulliit taamatut issimallutik.
Nioqqutissat annikitsukkuutaat ulluinnarsiutit akiisa naatsorsorneqarneranni niuertarfiit angisuut arlalinnik niuertarfiuteqartut tuniniagaat kisimik naatsorsorneqarsimasut, naatsorsueqqissaartarfik allakkamini erseqqissaavoq, akinillu misissuinermi biilit angallatit allallu sivisuumik pigineqartartut akii ilanngunneqaratik.
Nioqqutissat ulluinnarsiutit akiisa allanngorarnerat pisariinnerusumik malinaffigineqarsinnaanerat anguniarlugu, Kalaallit Nunaanni Natsorsueqqissaartarfiup qaammatit tamaasa saqqummiuttalerniarpai.
