Pisat oqummersatigut naatsorsussavaat

Ningittagaarsiutit qaqinneqartut qanoq akilersorneqarnissaat pillugu Qaasuitsup kommunea aalajangersaavoq.

Tamanna pivoq aalisaataarsiutinik qalluinissamut naalakkersuisut 500.000 koruunenik aningaasaleereersut taakkulu Uummannap Upernaviullu eqqaanni aalisartunut atorneqassapput.

Qaasuitsup kommunea nalunaarpoq ningittagaarsiutit 5-700-nik oqummersallit qaqinneqartut 700 krone-mik pissarsissutaasassasut oqummersakinnerillu annikinnerusumik pissarsissutaasassallutik.

Aammali imaaratarsinnaavoq aalisaataarsiutit umiatsiaararsortumut qaqissallugit oqimaappallaat naammattoorneqartut. Taama pisoqaraangat kommunemut nalunaarutigineqartassapput sumiinnerat erseqqissumik nalunaarlugu. Annertunerusumik saliisoqassappat aalisaataarsiutit oqimaannerit qallorneqarumaartut Qaasuitsup kommunea nalunaarpoq.

Aalisaataarsiutinik qalluineq ingerlassaaq aningaasaliissutigineqartut 500.000 koruunit nungunnissaasa tungaanut.