Pisassiissutit amerlineqassanngillat

Qaanaami piniartut ukiumut aarrimik ataatsimik pisaqarsinnaatitaapput, kisianni aaveq ataaseq qimminut arlalinnut naammanngimmat pisassiissutip qaffanneqarnissaa piniartut kissaatigaat. Kisianni pisassiissutit suli sinneqarmata pissasseeqqittoqassanngitsoq piniarnermut naalakkersuisoq Ane Hansen oqarpoq.

Mads Ole Kristiansenip aarrimik ataatsimik  pisassiissut qangali atoreerpaa.

- Pisassiissut aarrinut sisamanut-tallimanut qaffanneqartuuppat piniartut immap angallaviginnerani nerukkaatissanik pilisinnaalissagaluarput  Mads Ole Kristiansen isumaqarpoq.

- niartut pisassiissummik suli atuinngitsut silap allanngorarneranik peqquteqartumik aallarsinnaanngillat, taamattumik siunissaq eqqarsaatigalugu pisassiissutinik qaffaanissaq siunnersuutigaarput, ajornartorsiummi aappagu aamma atuuttussaavoq, Mads Ole Kristiansen oqarpoq.

Ukiumut piniagassat suli sinneqarmata ilanissaannik tunngavissaqanngitsoq piniarnermut naalakkersuisoq Ane Hansen KNR-imut ippassaq ualikkut oqarpoq. Aamma qimminik kaattunik ajornartorsiuteqarneq nalinginnaasuunngitsoq Ane Hansenip oqaatigaa.

- Ajornartorsiut ukiut tamaasa takkuttarpoq, taamaammat pilinissaq pisariaqartarpoq, tusakkakkalu malillugit piniartut ataasiakkaat kisimik taamatut ajornartorsiorput, Ane Hansen oqarpoq.

Mads Ole Kristiansen naapertorlugu piniartut anginernik umiatsiallit kisimik siku akimorlugu ullumikkut nerukkaatissaminnik piniariarlutik aallarsinnaapput.

- Piniartut mikinernik umiatsiallit sissamiit isiginnaaginnartarioaqarput pisassiissuteqaraluarunilluunniit, Mads Ole Kristiansen oqarpoq.

Qaanaami piniartut aguaat inatsisartuni illuatungiliuttunit aamma sakkortuumik qisuariarfigineqarpoq.

Naalakkersuisut siulittaasuat akuliuttariaqalersoq Siumup sioulittaasia Aleqa Hammiond isumaqarpoq:

- Inuiaat Kalaallit ajutoorluinnarnissaat utaqqinagu naakkittarnerusumik aammalu inuiaqatigiit oqariartuutaannut tusaanerusumik iliuseqartoqartariaqarnera Naalakkersuisut siulittaasuannut matumuuna apuupparput aaqqiissutissamillu tamarmik inooqataaffigisinnaasaat aammalu akisussaaqatigiissutigisinnaasaat nassaaritsiillugu suleqqullugu. Inuiaat aammalu pisuussutivut pillugit, Aleqa Hammond oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat