Pisassiissutinik nalilinnik agguaasarnissaq aalisariutaatillit piumavaat

Taamaaliornikkut aalisariutatillit ataasiakkaat aningaasaqarniarnerat pataajaqallisarneqassasut, isumaqarput, soorluttaaq ukiuni qaleralikiffiusuni aalisariutitaatillit namminneerlutik naapertuussarsinnaasut, takorlooraat.

Qaleralinniartut saarullinniartullu nunatsinni tunisassiorfinnut tunisineq ajortut, akiitsuusiiffineqarnissaanniik Naalakkersuisut siunnersuutertik tunuarteqqammerpaat, nassuerutigigamikku, aalisartut amerlavallaaramik maannakkut akissaqanngitsut, ikisaqqaartariaqartullu.

AP Raajartassanik pisassiisasanerrmut assigusumik maanna aaqqeeqqusivoq

Serissap qanittuani avataasiorlunilu qaleraliniarnermi pisassiissutinik nalilinnik agguaasarneq piaartumik atorneqalertariaqartoq, taakkua isumaqarpoq. Taamaaliornikkut pisassat ukiuni makkunani ikikkallartillugit aalisariutillu amerlavallaarneranni naalakersuinikkut akuliuffigineqaqanngikkaluarluni nalimmassarnissaq ajornannginnerulissaa, aammattaarlu pisassiissuutit ilaatigut bankimut qularnaveeqqutitut atorneqarsinnaalissallutik. AP taama siunnersuuteqarpoq.

Aalisartut amerlavallaartut, aalisarneq pillugu ataatsimiititaliarsuaq, suliaminik upernaaq saqqummiigami inerniliivoq, Aalisarnerlu imminut akilersinnaleqqullugu, aalisartut ikinnerulertariaqartut, inassuteqarpoq.

Pisassutit naleqartinneqalerpata, taamalillutillu niuffatigineqarsinnaalerpata, aalisariutaatillit namminneq amerlassusitit naapertuutunngortittalissagaat, AP isumaqarpoq.