Pisassiisarnerit aqunneqarnersut apeqquteqaateqarfigaat

Pisassiisarnerit aqunneqarpat? Tamatuma aqulluarneqarnerunissaa Atassutip partiiata angorusuppaa. Qilalukkanik umimmannillu pisassiisarneq pillugu apeqqutinik arlalinnik Atassut Naalakkersuisunut nassitsisimavoq.

Qilalukkanik pisassiisarnermut atatillugu Atassutip paaserusuppaa, inatsisit atuuttut malitsinneqarneri naammaginarnersut imaluunniit atuutsitsinissamut sukaterisoqartariaqarnersoq. Piniarnermik ingerlatsineq piujuaannartitsinissaq toqqammavigalugu ingerlanneqassasoq Atassummiit pingaartinneqarpoq, ilisimaneqarporli pisassiissutissat pillugit aalajangerniartarneq piffissaq eqqorlugu ilaatigut pinngitsoortartoq, taamaalillunilu pisassiigallarnerit tunngavigalugit qilalugarniarneq piffissap ilaani ingerlanneqartariaqartartoq. Tamatuma kingunerisaanik piniarnermik inuussutissarsiuteqartunut kipiluttunartorsiortitsisoqalersoortarpoq – soorlu ukioq manna taama pisoqartoq.

Tikaagulliusaarnamik Uummannami unioqqutitsilluni pisaqartoqarnera ukiup sinnerani taavani qoorortoorsorluni tikaagullittassanut sooq sunniuteqarnersoq Atassummit aamma paaserusunneqarpoq – tamanna Piniarnermut Aalisarnermullu Naalakkersuisup, Atassummeersup, Finn Karlsenip, aalajangerpaa.

Umimmattassiisarneq eqqarsaatigalugu, Atassutip paasiuminaatsippaa, umimmaqassuseq pillugu ullumikkut ilisimasat ukiumoortumik iumimmattassiisarnermut naapertuunnersut.

Apeqqutit Naalakkersuisunut tamanut apeqqutaapput, pisassiisarnerit Pisortaqarfinnit marlunnit avinneqartarmata. Pinngortitamut Avatangiisinullu Pisortaqarfiup pisassiissutit amerlassusissaat aalajangertarpaa, Piniarnermut Aalisarnermullu Pisortaqarfimmit aqunneqartarlutik.