Pisassat ukioq naallugu naammanniartussaapput
Kvartalikkaartumik pisassiisalernikkut anguniarneqarpoq pisassiissutit ukioq naallugu pisassaqarnissamik qulakkeerissasut. Uummannamut Upernavimmullu kvartalikkaartumik pisassat maanna aalajangersorneqareerput (pisassat allaaserisap naqqani takukkit).
Pisassat tamakkiisut eqqarsaatigalugit Upernavimmi allaannguuteqartoqanngilaq.Upernaviup eqqaa eqqarsaatigalugu biologit inassuteqanngillat.
Uummannami pisassat tamakkiisut qaffarialaarput 2010-mi 5.799 tonsimiit2011-mi 6.000 tonsimut. Biologit inassutaanniit qaffasinnerusumik pisassiiniarlutik Naalakkersuisut aalajangersimapput tassami biologit Uummannami 2011-mi pisassatut inassutigimmatigik 5.000 tonsit.
Aamma maanna aalisartut sungiunniuartussanngorpaat kvartalikkaartumik pisassat nungunneqaraangata aalisarnerup unitsinneqartarnissaa.
- Ukiup sisamarterutaani pisassiissutit tamakkerneqanngippata, pisarineqarnikuunngitsut annertussusaat ukiup sisamarterutaanut tulliuttumut nuunneqassapput. Ukiup sisamarterutaa siulleq eqqaanngikkaanni (januaari, februaari, marsi) aalisarneq unitsinneqartassaaq, ukiup sisamarterutaani pisassiissutit tamakkersimagaangata, taama nalunaarpoq aalisarnermut naalakkersuisoq Ane Hansen.
Ukiulli sisamaartaarterutaani (kvartaliani) sinnerini aalisarneq unittassaaq pisassiissutit tamakkeraangata.
Aajuku pisasiissutit:
| Uummannaq | Upernavik | |
| 1. Kvartal (januar, februar marts) | 1.000 tons | 1.600 tons |
| 2. Kvartal (april, maj, juni) | 1.700 tons | 2.000 tons |
| 3. Kvartal (juli. august, september) | 2.300 tons | 2.100 tons |
| 4. Kvartal (oktober, november, december) | 1.000 tons | 800 tons |
| Pisassat katillugit | 6.000 tons | 6.500 tons |
