Pisaatik nalunaarutiginngitsoortarpaat
Pisanik nalunaaruteqanngitsoortarneq kalaallit piniartuisa kisimik ajornartorsiutiginngilaat. Danskit sunngiffimminni pinialuttartut quliugaangata sisamaannaat pisaminnik nalunaaruteqartussaatitaanertik malittarpaat.
Allattoq Mads Lynge
decembarip 20-at 2007 10:49
Tassa pinialuttartut 70.000-iusut pisaqarsimagunik pisaqarsimanngikkunilluunniit nalunaaruteqartussaatitaanertik malinneq ajorpaat.
Taamaalilluni uumasunik pisarineqartussanik siunnersuisartut pisarineqartussanik qaqugulu piniartoqarnissaannik siunnersuinissaminnut tunngavissaaleqisartut, Danmarkimi Avatangiisinut nakkutilliisoqarfiup ukiumoortumik nalunaarusiaani atuarneqarsinnaavoq.
