PIP: Aningaasanut inatsit ajornartorsiuterpassuarnut naapertuutinngilaq

Nunatsinni isumaginninnikkut ajornartorsiuterpassuit ukioq manna Aningaasanut inatsimmi naammattumik eqqarsaatigineqarsimanngitsut Perorsaasut Ilinniarsimasut Peqatigiiffiat, PIP isumaqarpoq, siulittaasuatalu Kaaliina Skifte-p meeqqanik kaattoqartarnera assersuutigaa.
Allattoq Jens Thorin
marsip 02-at 2009 16:01

- Aperisoqarsinnaavoq, sooruna Nunatsinni ukiut tamaasa kaattoqartartoq? Inatsimmi arlaatigut aaqqitassaqarpa imaluunniit arlaatigut politikimik kukkusumik ingerlasoqarpa, Kaaliina Skifte aperivoq?

Pitsaaliuinerup iluamik aningaasaliiffigineqarnissaa pingaartorujussuartut taassuma isigaa.

- Pitsaaliuineq eqqarsaatigalugu Namminersornerullutik Oqartussat KANUKOKA-lu erseqqissumik isumaqatigiissutigisariaqarpaat, kia sorpiaat aningaasaliiffigisassagai. Taamaalilluni aamma nalorniunnaarlutik utaqqisaqattaakkunnaassapput, PIP-ip siulittaasua oqarpoq.

- Aamma ullumikkut tulluanngitsunik meeraaqqeriveqarluni, meeqqeriveqarluni aamma fritidshjemmeqarpoq. Taamaammat nutaanik sanaartornissaq amigaatigineqarpoq. Maniitsoq assersuutigiinnaraanni, tassani meeqqerivinnik nutaanik pilersitsisoqartariaqaraluartoq, PIP-p siulittaasua, Kaaliina Skifte, oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq