Piorsarsimassutsikkut kingornussarput Jeremiassenip tapiiffigerusuppaa
Kristian Jeremiassen Siumumeersup Qimussertartut Kattuffiata Namminersorlutik Oqartussanit piffissami ungasinngitsumi tapiiffigineqartalernissaa kissaatigaa. Naalakkersuisunut § 37 naapertorlugu pingasunik apeqquteqaateqarnermini Naalakkersuisut kattuffimmut tapiissuteqartalernissaa siunnersuutigaa.
Allattoq Peter Troelsen, Simon Uldum
oktobarip 22-at 2013 11:21
Avannaata Qimussersua Qimussertartut Kattuffiata ingerlattagaata ilagaat, taamatullu qimussimik sukkaniutsitsisarneq kalaallit piorsarsimassutsikkut kingornussaasa ilagaat, Jeremiassen apeqquteqaatimi ilaatigut taama tunngavilersuuteqarpoq.
-Avannaata Qimussersuaqarneranut aaqqissuussiniarnermi ukiuni arlaqartuni aningaasatigut ilunger-sunartorsiuteqartoqartarnerata kingunerisaanik qimussersuariarniarlutik anngussimagaluartut apuussinnaasarsimannginnerisa kingunerisarpaat nunatsinni qimusserfiusut tamarmik ataatsi-moorsinnaasannginnerat, uanilu isorliusuni najugallit taakkuukkajupput eqqornerlunneqartartut tassalu Tunumeersut Avanersuarmeersullu, Kristian Jeremiassen nassuiaavoq.
