Pinochet toqummat nuannapput
Chilemi kisermaassilluni naalakkersuisuusimasoq Augusto Pinochet 91-inik ukioqarluni ullumi toquvoq.
Tamanna tusarliunneqareersorlu Chilemi illoqarfiit pingaarnersaanni Santiagomi innuttaasut nuannapput, aqquserngillu inunnik qittattunik imaaginnavissimapput.
Inuit qittapput, biilerpassuillu siggartaataat tusarsaapput, illoqarfiullu qiterpasissortaani illoqannginnersami Italia-plads-imi inuit katersuussimapput.
Augusto Pinochet 1973-imi Chilemi naalakkersuisunik uppititsinermigut naalakkersuisutut imminut suaarutiginnippoq, 1990-illu tungaanut kisermaassilluni naalakkersuilluni.
Augusto Pinochet sapaatip akunnerup ataatsip matuma siornatigut uummalliornermigut, Santiagomi sakkutuut napparsimmaviannut unitsinneqarpoq, tassanilu eqqissilluni toquvoq.
Augusto Pinochet-mut akerliusut inuit 3000-init amerlanerusut Pinochet-p naalakkersuisuunerata nalaani toqutaasimapput.