Pinngualiorfik Lego 1,8 mia-inik sinneqartoorpoq
Naak nunarsuatsinni aningaasarsiornikkut ajornartorsiortoqaraluartoq, qujanartumik meeqqat pinnguartarnertik unitsinngilaat.
Allattoq Lotte Holm
februaarip 23-at 2009 11:02
Tamanna ersarissumik takussutissaqalerpoq, Danmarkimi nunarsuaq tamakkerlugu pinngussanik tuniniaasartoq Lego naatsorsuutiminik aatsaat taamak pitsaatigisunik ullumikkut saqqummiussimmat.
Legop pisortaata Jørgen Vig Knudstorpip naatsorsuutit 9,5 milliardit koruuninik kaaviiaartitsiffiusut 1,8 milliardit koruuninillu sinneqartoorfiusut saqqummiuppai.
Ukiut tallimaannaat matuma siornagut Lego ajutuungajalluinnarpoq, ingerlaannarsinnaajumallunilu ilungersuuteqarluni. Maannali nunarsuarput tamakkerlugu, aamma nunatsinni, meeqqat Legonik pinnguarnerat iluanaarutigisorujussuaat.
