Pinngortitamut tunngassuteqartunik suliniutillit tapisisinnaanngorput
Kalaallit Nunaanni avatingiisinut, uumasunut pinngortitamullu tunngassuteqartunik suliniuteqaruit ukiumoortumik Namminersorlutik Oqartussanit aningaasanit tunniunneqartartunit 75.000 koruuninit suliannut tapisinissannut qinnuteqarsinnaavutit.
juulip 28-at 2011 09:53
Aningaasaateqarfiup nunatsinni avatangiisit, uumasut pinngortitarlu piujuartinnissaanik inuillu peqqissumik oqimaaqatigiissumillu ingerlatsinissaannik suliaqartut tapersersortarpai. Taamatuttaaq nunatsinni avatangiisinik isumannaarinnissamik ilisimasaqalersitsisut suliaqartullu tapersersortarlugit.
Siornatigut suliniutit tapiisutinik pisimasut ilagaat Kitsissunnguit pillugit atuakkiassaq Ilulissanilu silap allanngoriartornera pillugu saqqummersitsineq.
Aningaasaateqarfimmut qinnuteqarfissaq kingulleq tassaavoq aggustip 31-at 2011.
Qinnuteqaasiornermi qanoq iliornissat nanoq.gl-imi, Nunamut Namminermut, Pinngortitamut Avatangiisinullu Naalakkersuisoqarfiup quppernerani takusinnaavat.
