Pinngortitaleriffiup ilanera nappaanersiorpaat
Allissutaani sullivigineqarsinnaasunut 25-nut, misissuivinnut amerlanerusunut aamma tooqqorsivinnut amerlanerusunut inissaqarpoq.
Silap pissusaata allanngoriartornerata, nunani tamalaani soqutigineqarnerujussuata kinguneranik Pinngortitaleriffiup allilerneqarnera siuartinneqarpoq.
- Avatangiisinut silallu pissusaanut tunngasunik suliassaqarnerulernerup kinguneranik alliliinissaq pisariaqartinneqalerpoq. Kalaallit Nunaanni silap pissusaata allanngoriartornera, nunarsuaq tamakkerlugu qitiusumik inissisimavoq, Pinngortitaleriffimmillu ukiuni kingullerni nunat tamat akornanni ilisimatusarnikkut suleqatigiinnissamik soqutiginninnerup sukkasuumik annertusiartornera malugineqarsinnaasoq, pisortap Klaus Nygaardip oqaatigaa.
Pinngortitaleriffiup allineqarnerata aappaagu naammassinissaa naatsorsuutigineqarpoq.
