Pinngortitaleriffik timmissat pillugit nalunaarusiamut nersualaaralunilu isornartorsiuivoq
Pinngortitalerfimmi timmissanik tunngassuteqartunik ilisimatooq, Lars Maltha Rasmussen timmissat pillugit nalunaarut allanngortinneqarniarnera tuaviuusaavallaarnersoq aperineqarami akivoq:
-Pissusissamisoorsorivara nalunaarusiat nutaat atuutilersinnagit piffissaqarluarluni tusarniaasoqartarnera, kisiannili timmissat pillugit nalunaarusiamut nutaamut tunngatillugu piffissakittuararsuusimavugut.
Pinngortitaleriffiup piumaffigineqarani nalunaarusiaq nalilersorpaa nersualaarlugulu Kujataata kitaani meqqit Kalaallit Nunaanni Canadamilu mannilisarnerisa nalaani piniarneqartarnerat annikillineqaqqinniarmat. Meqqilli kitaata avannaani piniarneqartarnerat qaammatini marlunni sivitsorneqarnera meqqit mannilisarneri annertusiartornerat illersorneqarsinnaasoq. Tamannali eqqarsarnartortaqarnerarpaa.
- Taamaattoqassappat Avannaani meqqit kisinneqartariaqarput kiisalu piniarfioqqusaanngitsunik nalunaarusiortoqartariaqarluni. Taakkuli nalunaarusiami ilaatinneqanngillat, timmisanik ilisimatooq Lars Maltha Rasmussen naggasiivoq.
