Pinngortitaleriffik: Raajat ikiliartunngillat

Nunatsinni avammut tunisassiat pingaarnersaat, tassalu raajat, ikiliartunngillat. Tamannalu pillugu biologit inatsipput, aappaagu raajartassiissutit kingullermik raajartassiissutinut naleqqiullutik ikilineqassanngitsut.

Tassa aappaagu 142.000 tonsinik raajartassiisoqarnissaanik biologit siunnersuipput.

Saarulliit raajanngersut amerliartorput, raajat saarulliillu aalisarneqalersinnaallutik. Tamanna pillugu siunissami aalisarnermut iliuusissatut pilersaarusiortoqarnissaa pingaaruteqartoq, Pinngortitaleriffimmit Helle Siegstad erseqqissaateqarpoq.

-Raajaqaasuseq ukiut pingasut sisamalluunniit ingerlanerinnaanni affaannanngorsinnaasoq ilisimavarput. Saarulleqaleriartortillugulu Islandimisut iliortoqarsinnaavoq, tassa tassani aalajangerneqarnikuuvoq, saarulliit kisimik aalisarneqassasut. Aamma tamarmik aalisarneqassappata sumi raajarniartoqassanersoq sumilu saarullinniartoqassanersoq aalajangiiffigineqarsinnaavoq.

Ukiumut 5.000 tonsinik saarullittoqartarpoq, ukiut 20 matuma siornagut, 1980-kkunni, ukiumut 100.000 tonsit angullugit saarullittoqartarsimavoq.