Kitaani raajartassat 155.000 tonsimiit 110.000 tonsinut appartinneqassasut biologit siunnersuipput.
Pinngortitaleriffiup siunnersuutaa reejanik pisassanik appaaniarneq iluatsinngippat susoqarsinnaava?
Tamanna pillugu Pinngortitaleriffimmi paasissutissiisartoq Bula Larsen ima erseqqissaavoq.
- Taanna siunnersuinerput malinneqanngippat ima kinguneqarsinnaavoq suli raajaqassutsip tonsinngorlugu appariarnissaa naatsorsuutigineqarsinnaanera, Bula Larsen oqarpoq.
1990-simiit 2003-ip tungaanut reejat amerliartuinnavissimapput, massakkullu misissuisimanerup takutippaa 2003-miit ullumanna tikillugu raajat amerliartoratik ikiliartortut. Pinngortitaleriffimmiit annilaangassutigineqarpoq raajartassat annikillineqanngippata, siunissami raajat pisarineqarsinnaasut ikileriarujussuarnissaat.
Aalisarnermut naalakkersuisoq Finn Karlsen oqaaseqartinniarsimagaluarparput iluatsinngittumilli. Allattuatali oqaatigaa Finn Karlsen pineqartumut oqaaseqarumasoq naalakkersuisunut pineqartoq saqqummiunneqareerpat.