Pinngortitaleriffik: Nipisaat qanoq amerlatigineri nakkutigisariaqarput
- Nipisaat Islandimi Kalaallillu Nunaanni sananeqaatimikkut assigiinngitsuusut paasineqaqqammerpoq. Taamaattumik Islandimi pissutsit Kalaallit Nunaanni atugaanngitsut oqartoqarsinnaalluni.
Rasmus Hedeholmip aamma oqatigaa, Nunatsuatsinni pinngortitaq pillugu suliniaqatigiiffiup, nipisaat nungutaasinnaanerannik oqalunnerat, aalisakkanik taakkuninnga ilisimasaqannginnerannik pissuteqassagunartoq.
Nipisaat suanniarneq Nunatsinni killilersugaanngilaq, aalisartut qanoq annertutigisunik suannik tunitsivinnut tunisineri taamaallaat allattugaasarlutik.
KNAPK-p Nunatsinni aalisakkanik tunisassiortut peqatigalugit, nipisanniarnerup MSC atorlugu nalunaaqutsersorneqartarnissaat anguniarpaat, soorlu raajarniarneq taama ingerlanneqartoq.
Nipisaat meqqilersorneqartarnissaanik siunertaqarnermi anguniarneqarpoq, pisisartut pilerilersinneqarnissaat. Nipisaalli nungukkiartorneranik oqalunneq pisisartunut qanoq sunniuteqassanersoq maannamut oqaatigiuminaatsoq, Pinngortitaleriffimmi aalisakkat pilugit ilisimatooq, Rasmus Hedeholm oqarpoq.