Pinngitsaalisani qiuutinik kapivaa
Angut 20-t missaannik ukiulik, arnamik 20-t missaannik ukiulimmik pinngitsaaliisimasutut toqutseriarsimasutullu pasineqarluni, Sisimiuni politiinit tigusarineqarpoq.
Allattoq Jaaku Lyberth
Pinngitsaaliineq saassussinerlu pivoq arfininngornerup unnuaani. Angutip arnaq kinguaassiuutaasigut pinngitsaalillugu atoqatigisimavaa, qiuutinillu timaatigut niaquatigullu kapoorsimallugu.
Angut pinngitsaaliisutut toqutseriarsimasutullu pasineqartoq, eqqartuussivimmut sassartinneqarnissami tungaanut januarip 28-ata tungaanut tigummigallagassanngortinneqarpoq.
Pinngitsaaliineq pillugu nunatsinni politiit pisortaata tullia Morten Nielsen annerusumik oqaaseqarumanngilaq.