Sapaatip-akunnerata matuma siuliani Narsami pinngitsaaliisimanermut atatillugu politiit suliaat suli naammassinngilaq.
Taamani arnaq 20-it sinnilaarlugit ukiulik, angummit 30-40-t missaannik ukiulimmit, 170 cm-it missaannik angissusilimmit pinngitsaalineqarpoq.
Angut kalaalingasuuvoq qaamasunik naatsunik nujalik tungujortunillu isilik.
Inuit arlallit politiinit apersorneqareersimapput, ingerlariaqqinnerli ajulerlutik.
- Paasissutissanik nutaanik pissarsinngikkutta paasiniaanerput ingerlariaqqissinnaarpianngilarput, Narsami stationslederi Peter Sørensen oqarpoq.
Paasissutissanik ikiuutaasinnaasunik peqartoqarpat Narsami politiinut saaffiginnittoqarsinnaavoq.