Pinngitsaaleeriarsimasoq pineqaatissinneqarpoq
Angut 41-nik ukiulik qaammatip siuliani niviarsiaqqamik 14-inik ukiulimmik pinngitsaaleeriarsimasoq, Maniitsup eqqartuussiviani suliarineqarsimalerpoq.
Allattoq Jaaku Lyberth
Angut niviarsiaqqamut kannguttaalliorsimasutut toqutsinissaminillu sioorasaarisimanini aallaavigalugit ukioq ataaseq qaammatillu marluk isertitsivimmiitussanngorlugu pineqaatissinneqarpoq.
Paamiuni tallimanngormat unnuaani savilersuuttoqarmat inuk tuimigut talermilu kapineqarsimammat kapisisoq politiinit tigummigallagassanngortinneqarpoq. Pisup saniatigut sisamanngormat unnukkut unnuakkullu angerlarsimaffinni eqqissiviilliornerit arlariit ornittariaqarsimallugit Paamiuni politiit ittuata oqaatigaa.