Pinnerneqqisaanneq inuiaassutsimik paatsiveerusimaarfiuvoq
Nunarsuatsinni arnat pinnerneqqisaannissaanni, Kalaallit Nunaata peqataasua, danskiuvoq qaamasunik nujalik. Nunaqavissunik toqqaasimannginnerup kinguneranik pinnerneqqisaannissarsuaq paatsiveerusimaartitseqaaq.
Allattoq Apollo Jeremiassen
maajip 25-at 2010 05:19
Kalaallit peqataatitassaat Kalaallit Nunaaniissimanngisaannartoq, danskit peqataatitassaat danskiunngilaq. Aviisi Ekstra Bladet ippassaq taama allappoq.
Danmarkimiit toqqarneqaraluarpoq Anna Hairapetian, taanna armiiniamioq, Danmarkimili najugalik, taannali allamik taarserneqapoq, Ena Sandra Causevic-mit, taanna danskisut qaamasunik nujaqaranilu qaamasumik ameqanngilaq.
Irakimiut peqataatitassaat ateqarpoq Zahra Abboud, taanna Irakimi inuusimavoq Københavnimili najugaqarluni.
Tamaattut toqqaasimaneq aallaavigalugu aviisi ekstra Bladet isumaqarpoq pinnerneqqisaannissaq tutsuiginanngilluinnartoq. Qujanaannarunarpoq kalaalivinnguamik pinnerneqqisaannissamut tassunga aallartitsisoqarsimanngimmat. Pinnerneqqisaannissaq Tyrkiami pisussaavoq.
