Avatangiisit Nunanit allanit

ASSIT Piniartut Parisimi misiginneqataanertik takutikkaat

Qaanaarmiut Jens Danielsen aamma Mamarut Kristiansen, silap pissusiata allanngoriartornerata Avannaani inuunerminnut qanoq sunniuteqarnera oqaluttuariartorlugu Parisimiipput.

Allattoq Nutaarsiassaqartitsivik / Nyhedsredaktionen

novembarip 16-at 2015 10:04

Piniartut nunat siuttuisa silap pissusia pillugu ataatsimeersuarnissaannut COP 21-mut, novembarip 30-ani pisussamut, qaaqqusaasimapput.

Aamma atuaruk Piniartut Parisimi misiginneqataanertik takutikkaat

Paris peqqarniisaarnianit tallimanngormat saassunneqarpoq inuillu 129-t ajunaarlutik. Taamaammat Jens Danielsenip Mamarut Kristiansenillu misiginneqataanertik takutinniarlugu Parisip ilisarnaatigisai arlallit tunuliaqutaralugit assilitissimapput - Napasuliarsuup Eiffelip, Notre Damep, Ajugaasunut isaaffiliap Arc de triomphe de l'Étoilep kiisalu oqaluffissuup La cathédrale Saint-Louis-des-Invalidesip saavini.

Tom Ostermann Notre Damep saavani.

Jens Danielsen aamma Mamarut Kristiansen Ajugaasunut isaaffiliap Arc de triomphe de l'Étoilep saavani.

Jens Danielsen Mamarut Kristiansenilu Notre Damep saavani.

Jens Danielsen Mamarut Kristiansenilu napasuliarsuup Eiffelip saavani.