Folketingip avatangiisit pillugit ataatsimiititaliaata siulittaasuata Konservativineersup, Christian Wedell-Neergaard-ip, kalaallit arfanniarnerminni periusaannik allanngortitseqqusinini anneruniutigivallaarunnaarpaa.
Avatangiisinut ataatsimititaliap Kalaallit Nunaanni angalammata, Christian Wedell-Neergaard oqarpoq,
Kalaallit tatiniarlugit, anguniarlugu arfanniarnermi toqutsigasuartarnissaat siunertaralugu arferit naalliutsinneqannginnerusalernisaat.
Christian Wedell-Neergaard, Radioaviisimut oqarpoq, Nuummiinnermini Namminersornerullutik oqartussani Piniarnermut Aalisarnermullu Pisortaqarfimmi atortillit toqutseriaatsit pillugit oqaloqatigisimagini, apuussimaginilu piniariaatsit naalliutsitsinnginnerusut atorneqartalernissaat kissaatigigini.
Arfanniarnermili periutsinik nassuiaanneqareerami, Folketingimut ilaasortaq konservatineersoq, eqqissiallassimanerarpoq, oqarlunilu ajornartorsiutitut isigisani qaangiuttoq. Taamaakkaluartorli politiikereq danskiusoq taanna isumaqarpoq qamutillit sakkortunerusut atorneqarnerusariaqartut, aallaasersornerit qimaamillugit.
