Inuusuttunut siunnersorti: Pinngortitamiinneq iluaqutaalluartarpoq
![](/sites/default/files/styles/image_934x467/public/article_images/ungeraadgivere_i_tasiilaq.jpg?itok=6ezka6zP)
Inuusuttut aqqaneq-marluk 18-illu akornanni ukiullit inuunerni ingerlaqqinnissamut aqqutissiuunneqartut inuusuttunut siunnersuisartoq Egon Poulsen oqarpoq.
- Pinngortitamik atorluaanerput sullitatsinnut annertuumik isumaqartaqaaq, Egon Poulsen oqarpoq.
Inuusuttut atuanngikulagaangata, imminut toqunnissamik eqqarsaateqartartut allatigulluunniit ikiorneqarnissamut pisariaqartitsisut Kommuneqarfik Sermersuumi ilaqutariinnut immikkoortortaqarfiup inuusuttunut siunnersuisartuminut innersuuttarpai, taakkualu aallaqqaammut ataasiakkaarlugit oqaloqatigisarpaat.
- Angerlarsimaffimmi ajornartorsiutit qiviarneqartarput. Ataasiakkaarlutik oqaloqatigineqartarput meerarlu periarfissinneqartarpoq misigissutsinik annissuisinnaaneranik uagutsinnut.
Siunnersuisartut inuusuttut aasaanerani asiaqatigisarlugit, ukiukkut qamuteraqatigisarlugit timersortarfimmi eqaarsaaqatigisarpaat.
Inuusuttut qanoq ikiorserneqarnissamik pisariaqartitsineri kommunimit paasissutissiissutigineqartarpoq, 18-iliinissaasalu tungaanut sullinneqarsinnaasarlutik. Pisariaqartitsisoqartilluguli 23-liinissaasa tungaanut sullinneqaannarsinnaasarlutik.
- Sullinneqaannarusukkaangata attatiinnartarparput, ilaqartarmata iperariaraanni tassunga ajornartorsiummut uteqqissinnaasartut.
Kaammattuinerlu ilinnialernissamut ilitsersuinermik aamma imaqarpoq.
- Ilinniaqqinnissamut takorluugaqartut tamatta tasiorlugit majoriamut immersugassamik aallertarpugut taavalu ikiorlugit qinnuteqarnissaannut, Egon Poulsen oqarpoq.
Tasiilami inuusuttut aqqaneq-marluk 18-illu akornanni ukiulinni ukiup naanerani 216-iusunit 33-t maanna sullinneqarput.