Pinerluuteqarsimasut inuiaqatigiinnut uteqqinnissaannut piareersarneqartanngillat

-Meeraaninnit aallaveqarpoq, taanna meeraalluni attorneqartarneq. Persuttarneqarneq. Maannakkut 30-nik ukioqarpunga, suli nammineq timinniippoq iperaarusunnginneq. Soorlu anstalteqqaarninni immaqa neqeroorfigineqarsinnaasimagaluarpunga “kamaqarpallaaqaatit” inuunermik ilinniaqqinniarit qaqiffimmi, pineqaatisinneqarsimalluni inissinneqarsimasoq Poul Olsen maanna arfineq marlussaanik pineqaatissinneqarluni inissinneqareersimasoq oqaluttuarpoq. Taassumap imigassamik ikiaroornartumillu atornerluisarnini pillugit katsorsarneqarnissaminut qinnuteqaraluarpoq, iperangaanguni pinerloqqinnginnissaminut aqqutissaasoringamiuk. Taamaattoq katsorsartinnissaminut akuersissummik suli tunineqanngilaq.

Inuiaqatigiinnut uteqqinnissaq anguniarlugu iliuusissat pineqaatissinneqarsimasunit amigaatigineqarput. Agpâraq Høegh nammineq qaammatit pingasut qaangiuppata iperangaasussaavoq, kisianni suli kamak ilumini misigisani suliarisimanngilaa.

- Nunatta Eqqartuussivianit kusanartumik oqarfigineqarpunga “ikiorneqassuutit”, inuiaqatigiit iluanut ingerlaqqinnissat, akuleruteqqinnissat. Kisiat nunatta eqqartuussivianit taakku oqaatsit sumiinnerput. Ikiorneqanngilanga aamma ulloq manna tikillugu aperineqanngilanga, qanoq ippit? Ingerlaqqinnissannut piareersimavit? Suli ilormiorivara taanna pisimasoq, oqilisaaffigineqanngilanga, aperineqanngilanga. Agpâraq Høegh oqarpoq.