Pinerluuteqarsimasumik ujaasineq

Aasianni politiit inuuttaasunut ikioqqullutik saaffiginnipput, tallimanngornerup 1. maj 2009-p ullaassaani nal. 0100 aamma 0200 missaani, najugaqarfimmi Qajaasaarfik Blok 11-mi pinngitsaaleeriartoqarsimaneranik ikioqqullutik. Arnaq inuusuttoq sinittoq iserfigalugu pinngitsaaleriarneqarsimavoq.

Angut kalaaleq pasineqartoq ima isikkoqarpoq.

- qiilik

- simertoq

- 40 -50 akornanni ukioqassagunartoq

- 160-170 cm missaani angissuseqartoq

- nerinnattoq imalt. pualasooq

Takuneqarami aappalaartumik kavajaaqarpoq qaqortumillu tujuuluaraqarluni.

Angut pineqartoq najugarfiup Qajaasaarfiup eqqaanni piffissami 01. maj 2009 nal. 0100 aamma 0200 akornani Qajaasaarfik Blok 11-mut orniguttumik imalt., qimaguttumik innuttaasut takusaqartoqarsimagunik qinnuigineqarput Aasiaat Politeeqarfianut saaffiginneqqullugit, orningunnikkut imalt. oqarasuaatikkut tlf. 89 42 22 imalt pigaartup oqarasuaataanut 53 51 22 sianernikkut, taama Aqqaluk Petersen, Aasianni politeeqarfiup pisortarigallagaa nalunaarpoq.