Pinerlunniartartut mingutsitsinnginnissamik suliniartunut maanna akuliuttalerput.

CO2-mik aniatitsisinnaanermik akuersissutit niuerutigineqarnerat eqqumaffigilersimavaat, peqquserluutigalugillu koruuninik miliuunilikkaanik iluanaarniutigisalersimallugit. 300 miliuunit koruunit angullugit peqquserluffiusoq suliaq maanna Tuluit Nunaanni misissuiffigineqarpoq. Suliffeqarfiutimik akornanni akuersissutit niuerutigineri peqquserluuteqartartut ingerlattarpaat, akitsuusernerili momsit namminneq iluanaarutigisarlugit. Taama iliorneq akitsuutinik kaaveqattaartitsinermik taaneqarparpoq Erik Andersen Skat-imeersoq oqaluttuarpoq.
oktobarip 19-at 2009 11:30

Assersuutitut takusinnaasatsinni soorlu Tuluit Nunaanniit, taava nioqqutissaq kaaveqattaartitsilluni suliffeqarfiit arfineq-marluk arfineq-pingasut akornanni tuneqattaarneqartarpoq naggataatigut aallaavimminut tunineqartarluni. Kaaveqattaartitsisumillu niuernermi matumani Tuluit Nunaanni pisumi, akitsuummik momsimik akiliuteqartoqartussaagaluartoq taama iliotoqarneq ajorpoq. Taamaammanuna tamanna akitsuutinik kaaveqattaartitsinermik taaneqartartoq. Tunisassiarli tuniniaaqqaartumit akunnerup ataatsip akunnerilluunniit marluk qaanngiunneranni utertillugu pisiarineqartoq malinnaavigineqarsinnaasarpoq.

Taama iliorneq Danmarkimi maannattoorneqarnikuunersoq aperineqarami akissutigaa, tamanna suli maannattoorneqanngitsoq, nukissiornermullu aqutsisoqarfimmik CO2-mik atugassiinermik aqutsisuusoq suleqatigalugu qanimut malinnaasoqartoq, suleqatiginnnerlu tamanna aqqutigalugu Danmarkimi CO2-mik atugassiissutit niuerutigineqarnerat ullut tamaaasa malinnaavigineqartartoq, taamaaliornikkut qanoq pisoqassappat sukkasuumik qisuariarsinnaaniassagatta akissutigaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq