Pinerlunniartarnermik pitsaaliuineq nukittorsarneqarpoq

Kalaallit Nunaanni Pinerluttaalisitsinermut Isumasioqatigiit pilersinneqarput. Pinerlunniartarnermik pitsaaliuineq pillugu siunnersuineq paasititsiniaanerlu pingaarnertut sammineqassapput.
Allattoq Mads Lynge
marsip 31-at 2010 05:02

Isumasioqatigiit ataatsimiititanik aamma siunnersuisassapput, Atagagdliutini taama allaaserinnittoqarpoq.

Politimesteriugallartoq Bjørn Bay isumasioqatigiinni siulittaasunngorpoq:

- Tunngavissalimmik siunnersuisarnissaq naatsorsuutigaarput, soorlu kommunit siunnersorsinnaassagatsigit, pinerlunniartarnerup qanoq ililluni pitsaanerpaamik pitsaaliorneqarnissaanik. Piffissallu ingerlanerani nuna tamakkerlugu paasisitsiniaanerit ingerlanneqarnissaat aamma naatsorsuutigaarput, Bjørn Bay Atuagagdliutinut oqarpoq.

Isumasioqatigiinni ilaasortat Namminersorlutik Oqartussanit aamma Inatsinik Atortitsinermut Ministereqarfimmit toqqarneqarput

SIK, Sulisitsisut Peqatigiiffiat GA, KANUKOKA, kattuffiit namminersortut, Qimarnguik, Ilaqutariinnermut Peqqinnissamullu Naalakkersuisoqarfik, politiit saniatigut Isumasioqatigiinni ilaasortaapput.

Isumasioqatigiit inatsisissatut tunngavissaat tassaavoq Eqqartuusseriaaseq pillugu inatsit, ukioq manna januaarip aallaqqaataani atuutilersoq, isumasioqatigiillu marsip ulluisa 16-ianni siullermik ataatsimiipput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq